طرائف الثورة السورية

لقطات ومقاطع من الثورة السورية لا تخلو من الفكاهة والتندر والطرافة، وطبعا حمص لها حصة الأسد.

تفاجأ الشباب في حمص ببشار الأسد يتمشى في حي الخالدية بحمص فساروا معه يهتفون
http://www.youtube.com/watch?v=4po61jVtNYQ

كشف خلية ارهابية في حمص بسلاح قاذف الكوسا وقنبلة باذنجان اليدوية
http://www.youtube.com/watch?v=AUekOT9uhog

خطاب بشار الأسد الرابع ردا على وليد المعلم - تقليد رائع لصوت بشار
http://www.youtube.com/watch?v=iTGi8fb0IjU

خطاب آخر لبشار
http://www.youtube.com/watch?v=46wHnTCmefI

العصابات المسلحة في حمص - الحماصنة يستهزئون برجال الأمن
http://www.youtube.com/watch?v=_plkrmiHVsE

أبطال حمص يرعبون رجال الأمن بالألعاب النارية
http://www.youtube.com/watch?v=FZ7H791nlPo

شاعرة تشرشح الفضائية السورية في اتصال على الهواء مباشرة والمذيع يتذرع بأنه لايسمع ويطلب فاصل
http://www.youtube.com/watch?v=raDpY8yXX6A

خطاب بشار الأسد في مجلس الشعب بالرسوم المتحركة
http://www.youtube.com/watch?v=2An48MCb1ME

ملخص خطاب بشار الأسد أمام مجلس الشعب

 http://www.youtube.com/watch?v=54eHtxHTJJo

حفلة عيد ميلاد حافظ الأسد وشباب حمص يغنون سنة حلوة ياجميل على طريقتهم
http://www.youtube.com/watch?v=CPBEj5A4qvA

شجاعة وظرف شباب حمص، لاتغيب عنهم النكتة حتى وهم يواجهون رصاص الأمن
http://www.youtube.com/watch?v=DUjf59muXgg

مقاطع من أجمل طرائف الثورة السورية
http://www.youtube.com/watch?v=w7KJB7iLgrs

نكات ونوادر من الثورة السورية

 نهفة حمصية :قام بعض الشباب في أحد أحياء حمص بجمع القمامة في اكياس ووضعها على عربات لإخراجها من الحي بعد أن قام الشبيحة بمنع سيارات البلدية من الدخول .. وعندما مر الشباب امام حاجز الأمن أوقفهم الشبيحة وسألوهم باستهزاء .. شو بأديش كيلو الزبالة اليوم ؟؟ فرد عليه أحد الشباب قائلاً: . . . . . إنت دوقن، إذا عجبوك ما منختلف عالسعر
==========================
ذهب بشار إلى أحد حمامات دمشق القديمة والتي كان والده يتردد عليه، وبعد الإنتهاء من الحمام أراد بشار دفع الحساب فقال له المحاسب نريد منك 200 ليرة  فتضايق بشار وقال ليش كنتوا تأخذوا من والدي 100 ليرة فقط فقال له صاحب الحمام: بس انت طلعت اوسخ من أبوك
==========================
أوقف رجل الأمن واحد حمصي وقال له: ولاه انت كنت بالمظاهرة؟؟؟
قال الحمصي: لالالا ابدا....
قال له رجل الأمن: غني لشوف صوتك مبحوح والا لأ؟؟
فغنى الحمصي .......... يا درعا حنا معاكي للموت .. يا درعا!!
فقال له رجل الأمن: منيح، يالله روح
==========================
كان رامي مخلوف يمشي ليلاً في أحد شوارع دمشق عندما برز له رجل ملثم
يحمل مسدساً بيده فصاح برامي أعطيني فلوسك بسرعة ولوح بالمسدس
فقال له رامي ولاه .... ما بتعرف مين أنا .. أنا رامي مخلوف !
فقال الملثم : اذا هيك ... أعطيني فلوسي ..
==========================
أهالي بابا عمرو كتبوا على حمار "أنا بشار" وأرسلوه إلى حاجز الأمن.. ولما رأوا ما كتب عليه أطلقوا عليه النار وقتلوه...
شو عملوا الشباب، أرسلوا حماراً أخر...... كتبوا عليه: أنا ماهر بدي أخي.....
==========================
قال بشار الاسد فكر يتنكر وينزل يشوف شعبو شو عم يحكي عنو .. نزل لاقى الناس كلا بصوت واحد عم تصيح .. بالروح بالدم نفديك يابشار .. قام صفن صفنة . مالاقى الا نكشو واحد جنبو قلو : هتوف يا ابني هلأ بياخدوك ع بيت خالتك (أي السجن)
==========================
في إحدى المواجهات بين قوات الأمن والشبيحة (بأسلحتهم وعتادهم الحربي) وبين أخوتنا الحماصنة (بذكائهم وفطنتهم) انسحب المتظاهرون الأبطال ولكن لسوء حظ أحدهم فقد تأخر عن باقي الشباب فتجمع عليه الشبيحة والامن وحاوطوه حتى أصبحوا حوالي 20 عنصر حوله وحين هموا بالانقضاض عليه بالهراوات... صاح أحد رفاقه الأذكياء من بعيد:
صارو عشرين واحد!! هلأ فجّر حالك فجّر حالك!!
فهرب الامن والشبيحة من حوله بسرعة وعاد سالماً بعون الله وحمده
==========================
شخص كان في طريقه إلى حماة فأوقفه مجموعة من الشبيحة ورجال الأمن وسألوه: شو معك بالسياره هون
قلن هاد لاب توب وفلاش ميموري
سألوه: معك شي فيس بوك؟
قلن لا والله
قالوا طيب روح الله معك
==========================
بعد توقف إطلاق الرصاص لمدة يومين بباب الدريب صعد أحد الأشخاص إلى السطح وصار ينادي يا جيش يا أمن مشان الله شوية إطلاق نار من روسية او بي تي آر ما عم اعرف نام !! اي والله إتعودنا عليون
==========================
تسربت أنباء من كواليس واشنطن تؤكد أن السفير الأميركي بصدد زيارة حمص في الجمعة القادمة، وأفادت المصادر أن الإدارة الأميركية قررت بعد اجتماع رفيع المستوى حضره كبار جنرالات البنتاغون، إرسال السفير برفقة المبعوث العسكري الأميركي إلى حمص لاكتشاف سر قاذفات الكوسا وقنابل البانجان اليدوية المتطورة ورشاشات البامية سريعة الطلقات التي أعلنت المقاومة الحمصية إدخالها المعركة ضد النظام!
==========================
أهل حمص قررو يتضامنو مع بعضهم قامو عملو مظاهرة وصارو يقولو:
يا حمص حمــــص معاكي للموت
==========================
أمثال خاصة بالثورة من مغسل ومشحم حمص الدولي للدبابات:
- وراء كل مندس عظيم، دبابة.
- دبابة مندسة خيراً من الف شبيحية.
- دبابة بحمص أحسن من عشرة بالجولان.
- الدبابة يلي ما بتقدر عليها بوس سبطانتها وادعي عليها بلكسر.
- الدبابة الي ما تعجبك بتقصفك.
- ليس بالدبابة وحدها يحيا الانسان.
- اذا الشعب يوماً اراد الحياة...ابعتلو شي عشر دبابات.
- ان الدبابات التي في طرفها حَوَلٌ قصفْننا ثم لم يحيين موتانا.
- دبابة بالشارع أحسن من قناص على السطح .
- الدبابة يلي بتعرفها أحسن من الدبابة يلي بتتعرّف عليها.
==========================
قال عملت السعوديه مقر لاستقبال الزعماء العرب الفاسدين المخلوعين وكان زعيم تونس اولهم ثم وفد عليه حسني مبارك، فلما دخل عليه وجده يدخن الشيشه فقال له ( ايه يا زين العابدين انتا على طول كدا على الشيشه ) فرد عليه زين العابدين ( اعملك ايه لسة بتوع حبوب الهلوسه والقات ما جوش ) فرد عليه مبارك (على رأيك اما نشوف بتاع سوريا حيجيب ايه معاه برضو ) فرد زين العابدين ( لا لا سيبك منو دا لسة عيل يا راجل )
==========================
احد مذيعين التلفزيون السوري في احد المظاهرات المؤيده للرئيس لاحظ وجود طفل متحمس جدا وبالروح بالدم نفديك يا بشار بالروح بالدم نفديك حزب البعث فقال في عقله اعمل معو سبق صحفي فقلو للطفل: حبيبي انتا ليش متحمس كثير؟ رد الطفل: لاني وطني، قال المذيع: احسنت حبيبي انتا مين ابوك؟  رد الطفل: ابوي حزب البعث، قال المذيع: ممتاز حبيبي ومين أمك؟ قالو: امي طلائع البعث، قال المذيع: رائع رائع حبيبي انتا شو أمنيتك بالحياة؟ قال الطفل: أتمنى اصير يتيم عمو
==========================
دكتور الماني ودكتور ياباني ودكتور سوري بيتباهو بانجازتهم
قال الدكتورالالماني : اجانا مريض فقد عينه فمباشرة كان جنبي قطة ذبحتها واخذت عينها وركبتها للمريض
الياباني والسوري : ومشي حالو ..؟
الالماني : مشي حالو كتير وصار يشوف لبعيد ..!
قام الياباني قال : ونحنا اجانا مريض كبده تلفان فرحت اخذت كلب المستشفى وذبحتو واخذت كبدو وركبتو للمريض ..!
الالماني والسوري : ومشي حالو..؟
الياباني: مشي حالو كتير صار ياكل اللحم مع العظم..!
قام السوري قال : ونحن اجانا مريض دماغه مضروب وكان جنبي حمار فذبحت الحمار واخذت دماغو وركبتو للمريض ..!!
الالماني والياباني باندهاش : ومشي حالو..؟
السوري : مشي حالو كتير وصار رئيس الجمهورية ..!!
==========================