النشيد الوطني للجمهورية العربية السورية

إنشاد بصوت رائع إهداء من الثورة السورية للجيش العربي السوري



كلمات النشيد الوطني السوري

حـماةَ الـديارِ عليكمْ سـلامْ       أبَتْ أنْ تـذِلَّ النفـوسُ الكرامْ
عـرينُ العروبةِ بيتٌ حَـرام         وعرشُ الشّموسِ حِمَىً لا يُضَامْ


ربوعُ الشّـآمِ بـروجُ العَـلا          تُحاكي السّـماءَ بعـالي السَّـنا
فأرضٌ زهتْ بالشّموسِ الوِضَا         سَـماءٌ لَعَمـرُكَ أو كالسَّـما


رفيـفُ الأماني وخَفـقُ الفؤادْ         عـلى عَـلَمٍ ضَمَّ شَـمْلَ البلادْ
أما فيهِ منْ كُـلِّ عـينٍ سَـوادْ          ومِـن دمِ كـلِّ شَـهيدٍ مِـدادْ؟


نفـوسٌ أبـاةٌ ومـاضٍ مجيـدْ          وروحُ الأضاحي رقيبٌ عَـتيدْ
فمِـنّا الوليـدُ و مِـنّا الرّشـيدْ           فلـمْ لا نَسُـودُ ولِمْ لا نشـيد؟

كلمات: خليل مردم بك
ألحان: الأخوين فليفل

أغنية "سوريا الأبية"

غناء عمر سهيل

كلمات أغنية سوريا الأبية
سوريا بلد الأحرار     سوريا الشعب المغوار
خيّم ليل الظلم عليها     لكن رح يطلع النهار

يا غالي لو طال الليل     أو كف العدالة يميل
سوريا ما بتعرف ويل    بتضل تزهّـر نوار

هذي دوما بوجه الريح       قلعة متينة ما تزيح
لو بتقدم ألف جريح        حلفت تضحي بالمليار

كل ذرة بأرضك ياشام    بتروي حكاية من أعوام
درعا الأم اللي ما بتنام     والفيحاء فيها الأسرار

من نبض القلب بنهدي      للجولان أحلى وردة
ولعيونك حمص نودي       عزة وإرادة وإصرار


أغنية "بدنا نعبي الزنزانات"

أداء فرقة أبطال موسكو الأقوياء، نقد ساخر للأمن السوري والشبيحة

كلمات أغنية بدنا نعبي الزنزانات

بدنا نعبي الزنزانات
وبدنا نملّي المعتقلات
وبدنا نفضّي الروسيات (البندقية الروسية)
كرمال الأمة الأسدية

نحنا جنودك يا بشار
على صباطك نحنا غبار
لعيونك منهدّ الدار
انت الديموقراطية

مطرح ما بتمشي وبتدوس
نحنا منركعلك منبوس
رح ندعسلك كل مدسوس
متل وحوش البرية

نحنا اسودك لا تهتم
بدنا نعبي الساحة دم
الشغلة أبدا مو بالـ كم
نحنا عنا النوعية

بلا حرية بلا بطيخ
مؤامرة جاية من المريخ
ما عنا هندوس وسيخ
ولا عنا زردشتية

يا بو الجبين العالي
بفديك بروحي ومالي
ومشان عيونك يا غالي
أنا بدبح أهلي بشبرية

قال الله.. حرية وبس
رح نفرمهم متل الخس
كلن كم مليون مندس
ما بيشكلوا الأغلبية

بدونك نحنا منتبهدل
تطلع عكتافي وتتدندل
اعلامك ضرب المندل
كشف المجموعة السلفية

ارهابية مالون حل
مشانك درعا رح نحتل
لا منكلّ و لا منملّ
لتصير إبادة جماعية

اسمك بالعالي مرفوع
وصوتك للسما مسموع
لو شعبك مات من الجوع
رح ننتخبك أبدية

ما عنا رأي ورأيين
عنا نورك يعمي العين
انت كبيرنا يا زين

أغنية "ما منحبك"

شعر د.موشح الحموي و د.وحيد الحاوي

كلمات أغنية ما منحبك

ما منحبك ما منحبك     ارحل عنّا انت وحزبك
يابشار ما منحبك        يا جزار ما منحبك
     لا لا ما منحبك
بيكفي بيكفي يا بشار    عم بتقطع كالمنشار
من القامشلي لحوران    الشعب بيغلي متل النار

وكله بيقول ما منحبك
ما منحبك ما منحبك     ارحل عنّا انت وحزبك
يابشار ما منحبك        يا جزار ما منحبك
       لا لا ما منحبك

سلمية والله سلمية       سنيّة نحنا وعلوية
سلمية والله سلمية       درزية نحنا ومسيحية
سلمية والله سلمية       عربية نحنا وكردية

كلنا كلنا ما منحبك     ما منحبك ما منحبك
يابشار ما منحبك        يا جزار ما منحبك
       لا لا ما منحبك

عامل حالك أشفى طبيب       ما بترضى قتل وتخريب
ما بترضى جوع الأطفال     همك تأمين الحليب
يا قاتل حمزة الخطيب             أمرك والله عجيب
ما فكرت بطفلك مرة          كل بالك موت وتعذيب

وكله بيقول ما منحبك
ما منحبك ما منحبك     ارحل عنّا انت وحزبك
يابشار ما منحبك        يا جزار ما منحبك
  لا لا ما منحبك


أغنية " يا حيف " - سميح شقير

غناء الفنان سميح شقير 

كلمات أغنية يا حيف

يا حيف آخ و يا حيف
زخ رصاص على الناس العزّل يا حيف
وأطفال بعمر الورد تعتقلن كيف
وأنت ابن بلادي تقتل بولادي
وظهرك للعادي وعليي هاجم بالسيف

يا حيف يا حيف
وهذا اللي صاير يا حيف
وبدرعا ويا يما ويا حيف

سمعت هالشباب يما الحرية عالباب يما.. طلعوا يهتفولا
شافوا البواريد يما قالوا إخوتنا هن.. ومش رح يضربونا
ضربونا يما بالرصاص الحي
متنا بايد إخوتنا 
باسم أمن الوطن
وإحنا مين إحنا
واسألوا التاريخ
يقرا صفحتنا

مش تاري السجان يما كلمة حرية وحدة.. هزتلو أركانو
ومن هتفت الجموع يما أصبح كالملسوع يما.. يصلينا بنيرانو
وإحنا للي قلنا للي بيقتل شعبو
خاين. يكون من كاين.
والشعب مثل القدر.
من ينتخي ماين
والشعب مثل القدر
والأمل باين
يا حيف يا حيف

أغنية " المندسّين "

أداء فرقة المندسّين السوريين

كلمات أغنية المندسين

قالوا عنا مندسين..
قالوا عنا مخربين..
قالوا عنا مسلحين..
قالوا عنا سلفيين..
قالوا عنا وياما قالوا
ونسيو يقولوا سوريين.. سوريين.. سوريين

سوريا بلد الأحرار
سوريا رجالك ثوار
شهدائك زفوا بالغار
ومهما اشتد الظلم وجار
بدنا نشيلك يا بشار
رح منشيلك يا جزار.. يا جزار.. يا جزار

ثورتنا ثورة سلمية
انتفاضة للحرية
مابدنا طائفية
ولا بدنا عنصرية
دايم رح نهتف سلمية.. سلمية.. سلمية

الحرية للإنسان
مكتوبة بكل الأديان
ما هي منحة من السلطان
مشروعة بكل الأزمان
ما بدنا حكم الظلاّم
يسقط يسقط النظام.. يسقط يسقط النظام


أغنية "ياسمين الشام"

لحن وغناء: فنان الثورة يحيى حوى

كلمات أغنية ياسمين الشام

قالوا لي إني إنسان       حر جبيني ما بينهان
ما جربت الحرية        بس كتبتا عالحيطان
كسروا قلمي حبسوا نغمي     بدن مني اكتم ألمي
رح احكي واحكي واحكي        يا سوريا لا تبكي
ياسمين الشام مزهّر       يعني الحرية ملكي

بيي استشهد، آمنـّا     وبعدتوا امي عنـّا
تأسر خيي ليش ليش     شو اللي صار بموطنّـا
خطفوا أمني أخدوا امي      حتى حلمي مات بقلبي
رح احكي واحكي واحكي        يا سوريا لا تبكي
ياسمين الشام مزهّر       يعني الحرية ملكي

غنينا حقوق الأطفال      ضوينا شمع الآمال
بكرا هالطفل بيكبر     وبيبني مجد الأجيال
جرحك لم ولا تهتم      بكرا العزة بتمحي الهم
رح احكي واحكي واحكي        يا سوريا لا تبكي
ياسمين الشام مزهّر       يعني الحرية ملكي

أغنية "خاين يللي بيقتل شعبه"

كلمات: سليم عبد القادر - ألحان وغناء: يحيى حوى
كلمات أغنية خاين يلي بيقتل شعبه

خاين يللي بيقتل شعبه      مافي ذرة رحمة بقلبه
ضيّع نفسه، ضيّع أهله     ضيّع وطنه، ضيّع دربه
     الله الله الله أكبر

لا تلوموه هادا ما بيسمع     ما في كلام معاه بينفع
هادا بيشوف بعيون أخوه    وخيو أعمى متله وأفظع
خيو بيشرب دم الشعب       وبيقعد حالا يتمتع
   خاين.. خاين

لو فيه خير كان أخد العبرة     لكن ما فيه خير بالمرة
شاف صحابه سقطوا أمامه    صار يتجمد ويظهر غدره
عامل واعظ للحكام              ينسى نفسه قليل الخبرة
 خاين.. خاين

ماشي لمصيره المرسوم     ماشي لمصيره المحتوم
ماشي ما في شي يصده      ومصيره أسود مشؤوم
كل الناس بتدعي عليه        وبكفي دعوة مظلوم
   خاين.. خاين خاين خاين

أغنية "وينك يا حلب الشهباء "

غناء حسام طحان وفرقة الهدى الدولية


كلمات أغنية وينك يا حلب الشهباء

وينك يا حلب الشهباء يا أم الأبطال النجباء
هبوا العالم ضد الظلم ودفعوا أرتال الشهداء
وإنت ، الله العالم فين وإمتى بتصحي يا شهباء

كل الشعب السوري ثار ضد الظالم والغدار
وكل الناس بتسأل عنك وين رجالك هالأحرار
إنت فين، ونحن لإمتى حندوّرلك عن أعذار

درعا هبّت واللادقية وبدمّا بتفدي الحرية
وريف الشام، وأهل الشام  لبوا بالنخوة العربية
وإنت ، يا حلب الشهباء وينك يا أم الوطنية

لا تخللي الباغي يستفرد باخواتك، ويضل يعربد
والتاريخ أبداً ما بينسى وهو عللي بيجرى شاهد
هدّي كل سدود الخوف وكوني يا شهبا في الموعد

يا شهبا الموسم حيفوت وإنت في نومة وسكوت
يا شهبا، ولإمتى حيفضل قهرك في صدرك مكبوت
اللي بدافع عن حريته بيحيا، واللي بخاف بموت

أغنية "حط الكف على الكف"

عبيدة السوطري و فرقة الهدى الدولية  


تحميل أغنية حط الكف على الكف بصيغة MP3 

تحميل فيديو أغنية حط الكف على الكف بصيغة MP4

كلمات أغنية حط الكف على الكف

حط الكف على الكف         وخلّي الصف بحد الصف
واجه موج الظلم العالي            طالب بحقوقك واهتف

سوري حر ولحمي مر           ما برضى أبدا بالشر
أنا دمي بترابك يجري            يا بلادي يا دار الفخر

لا تدمير و لا تكسير            وهدفنا هو التغيير
نرفع صوت الحق العالي           بالإصلاح وبالتعمير

كل الشعب السوري يقول       لازم باب الظلم يزول
نحمي والله وطنّا الغالي          بسيف الحق المسلول

تنزيل الأغنية بصيغة MP3
تنزيل فيديو كليب بصيغة MP4

أغنية "ثورة ثورة يا أحرار"

غناء فريق شباب التغيير



كلمات أغنية ثورة ثورة يا أحرار

ثورة ثورة يا أحرار     لازم ترحل يا غدار
ما حدا بيورت أرض الشام     أرضا حرة وما بتنهار

ياللي جيتنا وريث لأبوك     عمك ياللي ورثه أخوك
والله العالم ما بيحبوك     ما في محبة بالإجبار

الشبيحة علينا بتهجم           تقتل تضرب تسرق تظلم
عار عليك ينحسبوا عليك        ايه والله أكبر عار

والشبيحة بالميزان    مافيهم واحد انسان
شوية أنذال وزعران      عم يتقاوو بفتح النار

ياللي خطفتوا بلاد الشام      دمرتوها والله حرام
شبعتوها هم وغم             ذكرتوها الاستعمار

ياللي خايف من خيالك       خايف يبيعوك رجالك
يمكن يتصلح حالك       لو مستشارك غـــوار

أغنية "طالع روحه على كفه"

غناء فرقة الهدى الدولية



كلمات أغنية طالع روحه على كفه

طالع روحه على كفه       طالع يتحدى حتفه
شعبي انتصر على خوفه      عزمه لا يمكن وصفه

شعبي ما بيخاف الرصاص      ولا المندس ولا القناص
عم يصنع وحده الخلاص      قلبه عامر بالإخلاص

الشعب السوري ما بينداس     لا في البيضة ولا بانياس
رح يبقى مرفوع الراس          يبقى للدنيا نبراس

شعبي اللي بيصون حدوده      وعايش بأرض جدوده
بدو اللي هو بريده       يمسك قراره بإيده

قلنا بدنا حرية          قالوا فتنة وطنية
عم نحكي بالعربية          لاصينية وهندية

تحميل أغنية طالع روحو على كفو بصيغة MP3
 

أغنية "شام العزّة"

كلمات والحان فرقة المندسين السوريين الفنية


تحميل الأغنية بصيغة MP3

انتي المجد وانتي الغار        يللي ع جبين الثوار
قدامك يا شام العزة       مهما كبرنا منبقى صغار
شو ما ساوو ما رح نركع     أرضك حرة للأحرار


حتى الطفل اللي عم يرضع       ما همو بارودة ومدفع
خلّي كل العالم يسمع         تمن الحرية رح ندفع
شو ما ساوو مارح نركع        حمزة زاد الثورة نار

يا ابطال الثورة همـّة         هي الثورة ثورة أمـّة
ضد الظلم وضد الظلمة      بالصدر العاري والكلمة
للحرية بيرخص دمـّي       تحيا سوريا الأحرار

نحنا أقسمنا اليمين       دم الشهدا علينا دين
ما في خوف ومافي لين      حتى نرجع منصورين
من كل عرق ومن كل دين      وطنن واحد سوريين

تحميل الأغنية بصيغة MP3
 

أغنية "ثورة ثورة سورية"

أغنية " ثورة ثورة سورية"


كلمات أغنية ثورة ثورة سورية

ثورة ثورة سورية
تمضي نحو الحرية
الشعب اختار اختار
وأزاح الخوف وثار
وغدا يا شعب الأحرار
تشرق شمس الحرية

بالسير السلمي مضينا
وبغصن الزيتون أتينا
قصة مجد الشام روينا
وعلت رايات الحرية

كم عاث فساد في بلدي
وأضاع حقوقا يا ولدي
لكن لن نرضخ للأبد
وسيعلو صوت الحرية

ما عاد الخوف هنا ينفع
فاللبل وان طال سيقشع
فاقلع أشواك الظلم اقلع
وازرع أزهار الحرية


أغنية "سقطت جدران الخوف"


غناء يحيى حوى


كلمات أغنية سقطت جدران الخوف

سقطت جدران الخوف
وتهاوى صرح الزيف
وبصدر حر عار
الشعب تحدى السيف

الشعب السوري الحر
ما عاد يطيق القهر
والشام عروس الدنيا
ابدا لن ترضى الأسر

الشعب السوري مل
من طول ليالي الذل
حكم وطني لكن
في القسوة كالمحتل

سورية أنت اليوم
أعلى من أعلى نجم
ولت أيام الظلم
ولّـت وانتصر الحلم



أغنية "سوريا الله يحميها"


تحميل أغنية سوريا الله يحميها بصيغة MP3

 كلمات أغنية سوريا الله يحميا

سوريا الله يحميا
ويحمي أهلا وأراضيا
صغار كبار منفديا
وروح الروح منعطيا
سوريا سوريا سوريا الله يحميا

عم نستنا من زمان
ثورة أبطالك حوران
ونحنا الشعب و ايد بإيد
علوي سلفي لا ما تزيد
كلنا للوطن فرسان
سوريا الله يحميا

يا حماه ويا حلب
دم الشهدا من لهب
وحاجة نقول للأبد
يا مخلوف ويا أسد
نياله كل من صمد
سوريا الله يحميا

نحنا الشعب، انت مين
تقتل تدبح بالمساكين
نحنا للثار طالعين
لا بننهد ولا بنلين
لحتى نشوفك سورية
عزة كرامة وحرية
وتشفيلنا جراح الملايين
سوريا الله يحميا

أغنية "ياللي بيقتل شعبه خاين"

غناء: فريق شباب التغيير


ياللي بيقتل شعبه خاين
والمتخبي بكرة باين
لما نادينا حرية
طخ رصاص بصدري كاين

ياحرية وينك وينك
حطوا العسكر بيني وبينك
يا أمي لا تبكي عينك
أنا لترابك وطني صاين

يا الله ننادي بيوم جديد
الشعب السوري ايد بإيد
كرامة وعزة كلّوا يريد
وبوجه المدفع ما بيضاين


أغنية "طالع عالموت"

غناء: يحيى حوى

تحميل الأغنية بصيغة MP3

طالع عالموت يا أمي بتحدى الموت
الظالم خلى عيشنا أصعب مالموت
روحي على كفي بتحدى الظالم بالصوت
طالع والشعب المتظاهر تا نعلّي الصوت

أغنية "قامت ثورتنا"




 كلمات أغنية يا ولاد حارتنا

يا ولاد حارتنا قامت ثورتنا
سوريا تثور غضب وبيفور
لنجيب العزة ونعيش بلذة
سنين وأيام حكموا الظلام
قتل وترهيب سجن وتعذيب
والشعب انهان كرامة الانسان
طلعنا بعفوية قلنا سلمية
بالرصاص ضربونا قنص وقتلونا
شو هالإجرام هيك الحكام
بتقتل شعبك وبتخون عهدك
يا ويلكم ويل ولنشيلكم شيل
شلة حرامية وبلطجية
نزلوا الشبيحة بوجوه قبيحة
عملوا العمايل بهالشعب القايل
حرة يابلادي عيشوا يا ولادي
حتشوفوا رجال بتهز جبال
ان قالت فعلت وان ضربت هدت
ممنوع تشكي ممنوع تحكي
انفجرت مرارتنا طلعت حرارتنا
طب نسكت ليش لقمة العيش
يلعن أبوهم عاللي جابوهم
لهون وبس ما كنت تتحس
حرة يا بلادي عيشوا يا ولادي


أغنية "ياسوريا لا تنحني"

يا سوريا لا تنحني     أنا لا أذل و لا أهان
خلّي جبينك عاليا       ما دمت صاحبة المكان

درعا فديتك يا مدينة الا اشهدي
قولي لهم أنا لست بالمتمرد
متظاهر ومسالم ما في يدي
الا شعارات تندد بالهوان
أنا لا أذل و لا أهان

أغنية "الله.. سوريا.. حرية وبس"

الله الله.. سوريا.. حرية وبس


 من حوران هلّت البشاير
لعيونك يا شعب يا ثاير
وين وين الشعب السوري وين

من حمص الأبية
وبانياس الحرية
ودوما واللاذقية
الشعب كله ثـاير

الحرية مطلبنا
وبواريد ما بدنا
الشبيحة قتلتنا
وما بنعرف شو صار

وين وين الشعب السوري وين
جينا جينا جينا جبنا الشهيد وجينا
الله.. سورية.. حرية وبس

حلب يا أم الأبطال
بعدك عن اخوانك طال
الثورة من دونك محال
يا شمس الأصايل


أغنية "صاحت حوران"




كلمات أغنية صاحت حوران

صاحت حوران ما بدها ملامة
فزعة فزعة ياولاد النشامة
خلّوا البارود في العلالي يزغرد
يرجّع للشام العزة والكرامة

شعّلنا النار للثورة نضويها
بدم الشهداء حنّينا ايديها
مانخاف الموت بالمنايا نهلّي
واللي بدو الحرية بيفديها

هبـّوا يارجال عالأنذال وشدّوا
شوية زعران علينا استبدّوا
باعوا الجولان كبّلوا ايدينا
ونهبوا الأوطان وعالأعراض اتعدوا

يا شام العز ثوري عالمذلة
هاية درعا درع الشام وأهلي
وحنّا لعيونك بالأرواح نضحي
وسيف التحرير عالظلاّم نسلّو

ياهل الشهباء يا ليوث الشمال
نخوتكم يا يارجال المعالي
يادير الزور يا فرات الجنة
رايات الحق وانت ابو الأبطال

حماه الثار والله والله مانسينا
طالت الأيام وجرحك عايش فينا
يا حمص الخير يا أطياب السجايا
ما احلى الثورة وايديكي في ايدينا

وين ادلب وين الرجال الحرة
والزاوية وسباع المعرة
وين السواحل تضرب موج الهادر
من اللاذقية و الجبال الخضرة

يا الله انك تنصرها سورية
وتخلي رايتها عليّة
وتعيد الشام لغصون العروبة
واسلامها تغني بالحرية



أغنية "درعا صهيل الحرية"

كلمات: الدكتور محمد نجيب المراد - لحن وأداء: فرقة المندسين السوريين الفنية

إعتلى صهوة التحدي خطيبا     إنه الشعب فاسمعوا ما يقولُ
وأصيخوا إلى بلاغة جـرحٍ      أعجَزَ القهرَ حَرفُهُ المسلولُ
عندما تَـزأرُ الشعوبُ يُوَلّي       أسدٌ كاسـرٌ وذئـبٌ وفيـــلُ
                    أسدٌ كـاسرٌ يـُوَلّي وفيلُ

أغنية "بيان رقم 1"


الأغنية باسلوب "الراب" الغربي


كلمات أغنية بيان رقم 1

بيان رقم واحد الشعب السوري ما بينذل ..
بيان رقم واحد أكيد هيك ما حنضل..
بيان رقم واحد من حوران جاءت البشاير..
بيان رقم واحد الشعب السوري ثائر..

عايشين ساكتين صار لنا سنين
لإيمتا بدنا نضل هيك متل الميتين
بالاصلاح والحرية دايما موعودين
بس شكلو ما في نيّة دايما محرومين
ماشبعتوا صور، عبيتوها تماثيل
بس نحنا ملينا من كل التمثيل
ابدا ما كنا ضد أي طائفة
كلنا ايد وحدة ضد السلطة الزائفة
والعدل والأمان دايما ممنوعين
لهيك انحبس طفل عمره عشر سنين
عشت حياتي تأبني حلم
لأوقف وأطلع بوش الظلم
بيستلم المسؤول عأساس وطني شريف
بطلع بالآخر حرامي وبالرشوة حريف
وهنن ما بيناموا غير عالريش
والواحد منا ما معه يعيش
مليتوا البلد أمن واستخبارات
حقوق الانسان صارت من المحرمات
ما بتعرفوا تفرقوا بين الوطني والخاين
واذا بتسأل عنه بيقلك كل شي باين
بالعقل والعمل رح ناخد كل شي
واللي ما عجبه يحمل حاله ويمشي
ابدتوا حماه وروحتوا بشربة مي
اليوم بايدنا حماه وما حنقول خطيّ
بعتوا الجولان وروحتوا برخيص
نسفتوا القضية ومليتوا تدنيس

لم نتمكن من العثور على كلمات الأغنية كاملة فيرجى ممن يعرفها كتابتها هنا


أغنية "عالجنة رايحين شهداء بالملايين"


 غناء فرقة "غربـاء"

كلمات أغنية عالجنة.. رايحين.. شهداء بالملايين

عالجنة.. رايحين.. شهداء بالملايين
سلمية.. حرية.. هتفوا أبناء الدين

قومي.. قومي.. قومي يا درعا الأبية
ثوري.. ثوري.. ياشباب المعضّمية
عـلّي.. عـلّي.. علّي الصرخات القوية
الشعب السوري والله ما بينذلّ

يا دومـا.. يا جبلة.. يا بانياس الأبية
داريـّا.. والكسوة.. وحمـاه واللاذقية

قومي.. قومي.. قومي ياحلب الشهباء
صدّي.. صدّي.. صدّي ياحمص الإبـاء
هـزّي.. هـزّي.. هـزّي أركان الطغاة
الشعب السوري والله ما بينذلّ




أغنية "يا أبي رح انفض جناحي وطير"




كلمات أغنية " يا أبي رح انفض جناحي وطير "

يا أبي رح انفض جناحي وطير
سامحني الصبر مل مني كتير

الصورة ياللي فبالي        عشعشت بخيالي
لو تعرف يللي ببالي        كنت رئفت بحالي
حلمك ما حققته اسمحلي حقق آمالي
 
يا أبي رح انفض جناحي وطير
سامحني الصبر مل مني كتير

تعلمت منك كتير         العزة والكرامة
بدها عزم كبير         لاتضييع الشهامة
خليني طير المجد بدو صحوة ضمير

يا أبي رح انفض جناحي وطير
سامحني الصبر مل مني كتير



أغنية " درعانا تنادي"




كلمات أغنية درعانا تنادي

درعانا تنادي هبوا يا أحرار
فالموت يملأوها بدماء الثوار

أبناؤنا ماتوا بصمتنا ماتوا
ابناؤنا ماتوا بخوفنا ماتوا
بجبننا ماتوا ذلا يا للعار

يارب العباد يا الله
أغثني.. أعنّي.. فشعبي عني تخلى
يارب العباد يا الله
انصفني.. ثبتني.. أهلي تركوني وحيد



أغنية "الشعب السوري ما بينهان"


تحميل الأغنية بصيغة MP3


معقول حبو للظلم واكره الحرية
معقول اهتف للي سلبني وكبلن ايديي
لك أنا سوري وما بنهان وما بهتف الا للحق
بدك تقتل وبدك تنهب وماتلاقي اللي يقلك لأ
لك لأ لأ و100 لأ

عم يتحرر شعب بلادي بأيادي أهلي الأحرار
قالو له للظالم لأ ولو تكوينا بجمر ونار
الشعب السوري ما بينهان وما بيهتف الا للحق
بدك تقتل وبدك تنهب وماتلاقي اللي يقلك لأ
لك لأ لأ و100 لأ


مستقبلنا جايي أبيض ثمنه دم واستشهاد
يرجعلك عزك يا شام ومابترضى بالاستعباد
أرض الشام ما بتنهان وما بتهتف الا للحق
بدك تقتل وبدك تنهب وماتلاقي اللي يقلك لأ
لك لأ لأ و100 لأ


تحميل الأغنية بصيغة MP3

أغنية " قولوا الله يا رجال" - سوريا الله حاميها

لحن وغناء محمد الرغبان


كلمات أغنية سوريا الله حاميها

سوريا الله حاميها    ورح يرجع عهدا للشام
بعظام الصدر بنفديها     هيي الروح الما بتنضام
قولوا الله يا رجال
نحنا ولادا لهالدار      منحميها لو شو ما صار
منغار عليها منغار      من ظل عروش الظلام
قولوا الله يا رجال
سوريا يا أحلى درة     لعيونك شبت هالثورة
من ميّة العاصي يا حرة      رح نسقي عروق الأحلام
قولوا الله يا رجال