أغنية "انت الحرة ومهرك دم"

تم تصوير لقطات الأغنية في مظاهرة الجالية السورية في تورنتو بكندا



كلمات أغنية انتي الحرة ومهرك دم

انتي الحرة ومهرك دم        بيرخص لأجلك يا حرية
ماشي بدربي وما بهتم        وبدل الروح بترخص مية
هيلا هيلا هيه هيلا  يا سوريا

حريتنا انرسمت فينا        والأرض بتشهد خطوينا
ما هنّــا لا ما ذلينـا        لأجل عيونك يا سوريا
هيلا هيلا هيه هيلا يا سوريا

سمعنا وحكيو عن أمجادك        تاريخك مجبول بعز
سوريين ونحنا ولادك        من الشام ودرعا وداريـّا
هيلا هيلا هيه هيلا يا سوريا

من مجرى دمعات أطفالك        رح نرسم لوحات النصر
كلما اشتد الليل الحالك        رح تشرق شمس الحرية
هيلا هيلا هيه هيلا يا سوريا

شمس العزة بتشرق بكرا        وبتضوي ع جيل الثورة
حرة ورح بتضلي حرة        ابدا ما برضى الذلية
هيلا هيلا هيه هيلا يا سوريا

لما منحضن بكرا ترابك        إما شهدا وإما أحرار
ما تعودنا على فراقك        وزنود ولادك قوية
هيلا هيلا هيه هيلا سوريا



هناك 15 تعليقًا:

  1. غير معرف2/11/11 1:31 ص

    انتي الحرة ومهرك دم بيرخص لأجلك يا حرية
    ماشي بدربي وما بهتم وبدل الروح بترخص مية
    هيلا هيلا هيه هيلا يا سوريا

    حريتنا نرسمت فينا والأرض بتشهد خطوينا
    ما هنا لا ما ذلينا لأجل عيونك يا سوريا
    هيلا هيلا هيه هيلا يا سوريا

    سمعنا وحكيو عن أمجادك تاريخك مجبول بعز
    سوريين ونحنا ولادك من الشام ودرعا وداريـّا
    هيلا هيلا هيه هيلا يا سوريا

    من مجرى دمعات أطفالك رح نرسم لوحات النصر
    كل ما اشتد الليل الحالك رح تشرق شمس الحرية
    هيلا هيلا هيه هيلا يا سوريا

    شمس العزة بتشرق بكرا وبتضوي على جيل الثورة
    حرة ورح بتضلي حرة ابدا ما ترضى الذلية
    الله سوريا حرية و بس 4

    لما بنحضن بكرا ترابك إما شهدا وإما أحرار
    ما تعودنا على فراقك وزنود ولادك قوية

    انتي الحرة ومهرك دم بيرخص لأجلك يا حرية
    ماشي بدربي وما بهتم وبدل الروح بترخص مية
    هيلا هيلا هيه هيلا يا سوريا

    ردحذف
  2. شكرا جزيلا للأخ (أو الأخت) الغالي لوضع الكلمات التي كانت ناقصة في الأغنية

    تم تصحيح الكلمات ونشرها وألف ألف شكر

    ردحذف
  3. غير معرف22/11/11 12:43 م

    الأغنية جميييييييييييييييييييييلة جدا..
    بس كأن القضية صارت عادية..
    مرة وحدة نزلت أغاني كتييير وبعدييين..........................لاشيء يذكر.
    ياريت ما تصير القضية السورية متل ماصارت القضية الفلسطينية(عادية) بالسرعة هي..
    حتى الناس تغيرت ماعاد حدا حكا عن القضية بحماس أو حتى فكر فيها للأسف صارت عادية..
    عم يستنوا بس شو رح يصير وعايشين عادي..
    والله أنا محتارة شو لازم نعمل؟؟
    نزلة وما منقدر ننزل على سوريا وبنفس الوقت ما عم نقدر نوقف حياتنا..
    قصدي الناس عم تسافر وتروح وتجي وتتجوز...
    آآآآآآآآآآآآآآآآآخ نفسي أعرف شو بإيدي شي سوي غير الدعاء يا ريييييييييييييييت تفيدوني..
    Unique Homseyyah

    ردحذف
  4. اختنا الكريمة Unique Homseyyah

    شكرا على كلماتك الجميلة وعواطفك الصادقة

    ان شاء الله الثورة مستمرة بنفس القوة ولن تنتهي إلا بنهاية النظام الاستبدادي الجائر

    أفضل شئ تفعليه من أجل الثورة بالإضافة إلى الدعاء هو أن تنشري فكر الثورة وأخلاقها وأهدافها قدر استطاعتك بين جميع الناس الذين تعرفينهم وخاصة المؤيدين للنظام بجميع الوسائل المتاحة لك، وتوضيح أن ثورتنا هي ثورة سلمية ضد الاستبداد والقمع وسرقة الشعب، وأننا لسنا مدعومين من أي جهات خارجية، فالثورة هي ثورة شعب أعزل لإسقاط نظام فاسد واستعادة الكرامة والحقوق والحرية.

    كثر الله من أمثالك ولقاءنا قريب في سورية الحرة بإذن الله.

    ردحذف
  5. غير معرف26/11/11 2:49 م

    طيب وشو منقول للناس اللي بيسألوا متل هي الأسئلة:
    كيف رح ينتهي النظام؟؟
    واللي بيقولو إن مافي شي هاد تضليل إعلامي(خصوصا إن الشام وحلب اللي هن أكبر شي ومعروفين أكتر ما عم يطلعوا)؟؟
    والمشكلة الأكبر اللي بيحكوا على الشهداء بيقولولك إن هاد الرجال ماكان بيعرف رب وسرسري وووو......
    كيف حيكون شهيد؟؟
    هاد اللي بيطققني وبيفلجني صراحة...
    وبعدين المجتمع اللي أنا فيه مجتمع مع حريته ما بيسمح بأي نوع من أنواع التحركات السياسية مثلا إذا حبيت اطلع احكي عن هالموضوع بالإذاعة المدرسية ممنوع..والأنكى من هاد كله بصراحة إن الشعب اللي أنا قاعدة وسطه(غصبا عني)مع احترامي الشديد لإل مجتمع بليد وهايف وما بيهتم غير بالتفاهات وما بيصدق إلا اللي عاجبه وبكل الأحوال نحن مضطهدين من قبلهم كيف رح يؤمنوا بقضيتنا؟؟
    عموما أنا رح حاااااااااااااااااول كل جهدي رغم إن إقناع ناس متل هدول جهاد بحد ذاته..
    وشكرا للي رد أو ردت علي من أغاني الثورة السورية
    لأن عن جد انا محتاجة إني فضفض ومحتاجة لمتل هي الآراء والدعم وأمانة إذا في شي تاني إنكم تفيدوني وعلى كل اللي بيقرأ إن يفيدني..
    والله ينصرنا ويوفقنا لكل خير يارب..
    وملتقانا بسوريا وبحمص خاصة يا أغاني الثورة السورية بإذن الله تعالى وجزاك الله عني كل خير.
    Unique Homseyyah

    ردحذف
  6. غير معرف28/11/11 5:54 م

    هل من رد؟؟
    Unique Homseyyah

    ردحذف
  7. الأخت Unique Homseyyah

    نقدر مشاعرك ومعاناتك وهي مثل مشاعر كل سوري يحلم بأن يعيش بكرامة وأمان في بلده، وان شاء الله ستنتهي هذه المحنة بسرعة وتتحرر سوريا بأقل خسائر ممكنة.

    كل ما يقوله النظام وأزلامه هو مجرد أوهام يقنعون بها نفسهم فقط، فالعالم كله أصبح يعرف أن هذه العصابة التي حكمت سوريا على مدى عقود قد انتهى عهدها وأنها ليست أكثر من مجرد مجموعة من الإرهابيين الذين يريدون متابعة السيطرة على هذا البلد الطيب، والعالم كله سيجتمع لينهيهم ويعيد المجد الى حبيبتنا سوريا.

    ندعو الله أن تخرج سوريا منصورة بإذن الله، وشكرا لك شكرا جزيلا على مشاعرك الجياشة، وهذا المنبر مفتوح لك متى شئت لتفضفضي وتبدي رأيك مهما كان.

    يمكنك أيضا متابعتنا على تويتر على هذا الاسم
    freesyrsongs@

    مع التحيات

    ردحذف
  8. غير معرف6/12/11 4:28 م

    شكككككككككككككككككككككككككرا
    كتيييييييييييييييييييييييييييييير
    الله يعطيكم العافية ويعطيكم لحتى يرضيكم
    يااااااااااااااااااااااارب
    آآآآآآآآآآآآآآآآآمين
    Unique Homseyyah

    ردحذف
    الردود
    1. غير معرف16/1/12 3:59 م

      انا عجبتني كتير

      حذف
  9. مغربيهـ♥.17/3/12 5:40 م

    بموووووووووتـ♥ فيـــ♥ــي يا سوريــ♥ــأآأأإإ بإذن اللهـ منتصرينـ يارب و أحرار بإذن اللهـ♥..... معاكــ♥ــي للنصصر

    ردحذف
  10. غير معرف18/4/12 12:36 ص

    أتى النبي صلى الله عليه وسلم .. فرفع صوته على الصفا : لا إله إلا الله محمد رسول الله .
    فاستمعت له الكائنات والناس ، فأتى الذين يريدون الله والدار الآخرة الذين يُقال لهم : ما جماعتكم ؟
    قالوا : أهل السُّنه.
    وبيوتكم ؟
    قالوا : المساجد.
    وماذا تريدون ؟
    قالوا : نريد وجه الله.
    وما لباسكم ؟
    قالوا : التقوى.
    وما سلاحكم ؟
    قالوا : التوكل على الله.
    ومن إمامكم ؟
    قالوا : محمد صلى الله عليه وسلم
    وما مأواكم ؟
    قالوا : الجنة.
    فأما أبو جهل قال لا.
    وأما أبو لهب فقال لا.
    وهكذا أميّه بن خلف والوليد بن المغيره..
    فأخزاهم الله وعذبهم بسبب الكبر عن هذه الكلمه ....
    بنت السعوديه ...

    ردحذف
  11. غير معرف18/4/12 12:49 ص

    وأتى بلالٌ بن رباح العبد الحبشي الذي ضُرب بالسياط حتى أصبح غي منزلة الحيوان عند الجاهلين فقال :
    لا إله إلا الله محمد رسول الله ، فرفعه الله بهذه الكلمة ، لأنه تواضع وقبلها .
    بل قام على سطح الكعبة يوم الفتح يؤذن ، فتحوَّل سواده بياضاً بالمنهج .
    فرفع صوته فما سمعه أحد من المسلمين إلا بكى.
    واستفاقت على أذان جديد مِلْءُ آذانها أذان بلال
    فقال عمر بن الخطّاب : ألو بكر سيدنا ، وأعتق سيدنا » أي بلال « ...
    بنت السعوديه ....

    ردحذف
  12. غير معرف18/4/12 12:54 ص

    عفواً ....فقال عمر بن الخطاب : أبو بكر سيدنا ، وأعتق سيدنا » أي بلال « ...
    بنت السعوديه ...

    ردحذف
  13. غير معرف21/7/12 3:29 م

    الاغنسة بتجنن وانشا الله النصر قريب جدا بنت الساحل

    ردحذف